السلام عليكم ورحمة الله وبركاته
بسم الله الرحمن الرحيم
ازيكم يا اجمل شباب وبنات على اجمل منتدى
انا جاتلى فوكيره كده قولت بما ان المنتدى هنا بسم الله ما شاء الله حسيت ان كلنا اخوات وبنخاف على بعض وبجد فى روح الاخوه واكيد ان حبنا وخوفنا على بعض يقلقنا على حد لو غاب عن المنتدى
الايام دى ممكن حد يغيب عن المنتدى لسبب ما وطبعا منعرفش ايه سبب غيابه وطبعا نقلق عليه
وبالتالى هنسأل بعض حد شاف فلان يا جماعه ؟
ونستنى طله من اى حد يعرفه عشان يقولنا كلمه تطمنا عليه
ولكن الغياب ممكن يستمر ومش عارفين ليه
خصوصا لو حد كل علاقتنا بيه النت وبس مثلا
وبما اننا كلنا هنا اخوات
والمنتدى ده جمعنا يبقه حقى عليك/ ى وحقك عليا اننا نطمن بعض و نخاف على بعض
ولا نسبب قلق وخوف لان كل واحد فينا حياته فيها قلق كفايه ومش ناقص
وانا عن نفسى واحده من الناس القلق بيسيطر عليا وحياتى بتتقلب والله
ف قولت ايه بقى ؟؟؟
يعنى لو مسافر/ه
او عندك امتحانات
او مشغول/ه لاى سبب ما
او حتى مكسل/ه تدخل
اهو اى سبب ايا كان وخلاص
ليه منسجلش غيابنا هنا قبل ما نمشى ؟
وبكده نبقى اتطمنا عليك/ى
ف اللى يحب يغيب
يقول يا جماعه وياريت مده غيابه قد ايه تقريبا وليه لو امكن انه يقول السبب وده مش تطفل والله
علشان نطمئن عليك وكمان لو محتاج دعوه ندعيلك ونقف معاك
هاااااااااااا ايه رايكو يا بنات ويا شباب
اتمنى فكرة التوبيك تنول اعجابكو